Kynning á nýja skráningarkerfinu

Kynning á nýja skráningarkerfinu

Kynning á nýja skráningarkerfinu 

Í staðinn fyrir að kaupa eitt (eða fleiri námskeið) velur þú mismunandi kort sem innihalda ákveðinn fjölda tíma sem fer eftir því hversu oft í viku/mánuði þú vilt æfa.
Kortin eru öll rafræn og skráningarforritið tekur sjálfkrafa skipti af kortinu þínu þegar þú kemur í tíma. Skráning fer fram á erial.is/stundatafla eða með Eríal Pole appinu. 

Athugið að allir skráðir sjálfkrafa sem byrjendur og geta bara skráð sig í byrjendatíma þegar maður skráir sig í fyrsta skipti í nýja skráningarkerfið 
Nemendur sem eru lengra komnir og búnir með byrjendanámskeið í pole eða lyru þurfa að hafa samband við okkur í gegnum Facebook síðu Eríal Pole a senda okkur línu á erial@erial.is og taka fram í hvaða erfiðleikastigi þau eru í til þess að geta skráð sig í framhaldshópa. Þjálfari þarf að skoða nýskráninguna og staðfesta að þetta séu réttar upplýsingar svo erfiðleikastigið ykkar uppfærist ekki samstundis þegar þetta er gert. Þess vegna viljum við hvetja alla til þess að skrá sig tímanlega.

Öll kortin gilda í alla tíma á stundatöflu og æfingasalinn
Nú er hægt að nýta kortin til að bóka æfingasalinn sem ekki hefur verið hægt hingað til. Sem sagt, ef enginn af tímunum á stundatöflunni henta þér þá geturðu nýtt kortið þitt til að æfa í æfingasalnum. Ótakmarkaður aðgangur að Eríal Gymminu fylgir öllum 30 daga kortum. Nýju kortin ásamt verðskrá eru að finna hér

Nú er ekki lengur nauðsynlegt að vera alltaf með fasta tíma svo þetta fyrirkomulag ætti að henta fólki sem er í vaktavinnu sérstaklega vel.

Athugaðu samt að þú getur aðeins skráð þig í tíma sem henta þínu erfiðleikastigi.

Viltu frekar vera með fasta tíma eins og hefur alltaf verið? Ekkert mál!
Stundataflan verður áfram svipuð og hún hefur alltaf verið. Þú getur bókað fasta tíma allt að 30 daga fram í tímann. Ef þú einhverra hluta vegna kemst ekki í tímann þinn þá geturðu afbókað hann og tekið annan í staðinn. Eini munurinn er sá að þú missir ekki lengur tímann þinn ef þú kemst ekki.

Meiri sveigjanleiki

Nú er allt í lagi þótt þú komist ekki í fyrstu tíma mánaðarins því nú getur þú byrjað hvenær sem er! Ef þú kaupir t.d. kort með 30 daga gildistíma þá rennur kortið ekki út fyrr en 30 dögum eftir að þú notar fyrsta tímann á kortinu.

Það er samt eitt skilyrði.
Það er 6 klukkustunda afbókunar fyrirvari sem þýðir að ef þú varst búin/nn að skrá þig í tíma og mætir ekki eða afbókar of seint þá er tíminn tekinn af kortinu þínu. Það eru tvær megin ástæður fyrir þessari reglu. Í fyrsta lagi er þetta gert til þess að hægt sé að gefa næstu manneskju sem er á biðlista plássið þitt, ásamt því að gefa þeim nægan fyrirvara til að geta mætt. Í öðru lagi þá þurfum við að hafa lágmarksskráningu til þess að hafa forsendur til að halda tímann. Ef lágmarksskráning næst ekki þá fellur hann niður og við sendum skilaboð á þá sem voru skráðir og þeir geta þá farið í annan tíma í staðinn.

Fjölbreyttari tímar á stundatöflunni! 

Þegar fólk er ekki lengur bundið við fasta tíma þá opnast möguleikinn á að setja fjölbreyttari tíma á stundatöfluna. Við stefnum á að vera með öðruvísi tíma í hverri viku, bæði á virkum dögum og um helgar. Þeir geta poppað upp hvenær sem er svo við mælum með því að skoða stundatöfluna reglulega og skrá sig tímanlega. Þetta gefur nemendum tækifæri á að prufa eitthvað nýtt eða fókusera á aðra hluti en venjulega.

Eftirfarandi pop-up tímar komnir á stundatöfluna í nóvember og munu fleiri bætast við:
Loftfimleika þrek 6. og 20. nóvember
Allt um handsprings 9. nóvember
Pole Parkour  – verður tilkynnt síðar

Það er komið Eríal Pole app! 

Með appinu er enn auðveldara og fljótlegra að skrá sig í tíma. Með appinu þarfu ekki lengur að skrá inn allar upplýsingarnar þínar í hvert skipti sem þú skráir þig. Í appinu getur þú skoðað stundatöfluna, skráð þig í tíma og afskráð, bókað æfingaherbergið eða einkatíma. Þú getur einnig fylgst með því hvað þú átt marga tíma eftir á kortinu þínu og hversu lengi þeir gilda.

By |2018-11-01T16:24:47+00:00October 31st, 2018|Eríal Pole|0 Comments

About the Author:

Endilega sendu okkur línu á erial@erial.is ef þú hefur einhverjar spurningar.
English Íslenska